Viðtaluportalur til Heilsudepilin í Vágum

Vága Kommuna:

Býráðið samtykti á fundi tann 24. oktober 2016 at stovnseta ein viðtaluportal til kommunulæknarnar á Heilsudeplinum í Vágum.

Brúkarin kann, við hesum portali, sjálvur biðja um eina viðtalutíð hjá tí læknanum, hann ynskir viðtalu hjá.

Portalurin verður gjørdur fartelefon vinarligur. Læknaskrivarin sendir eina áminning umvegis teldupost ella sms ein tíma áðrenn viðtaluna. Um seinkingar eru, verður boðað frá um tað.

Hesin portalur kemur at gera tað hópin lættari at fara til kommunulæknan, tá tað passar einum sjálvum best, samstundis sum hann kemur at spara vágafólki hópin at tíð at bíða eftir tørni.

Sørvágs kommuna hevur játtað at vera við í rakstrinum av viðtaluportalinum.