Vestmenningur og Skoraberg landa í Kollafirði

 Partrolararnir Vestmenningur og Skoraberg komu á Kollafjørð um 5-tíðina í nátt.

Teir hava tilsamans 205 tons av gulllaksi, sum verður landaður til Faroe Pelagic, teir byrja at landa kl. 7 í morgun.

Gulllaksaskipini byrjaðu túr vestanfyri, men fluttu seinni suðurum, teir hava teir seinastu dagarnar roynt sunnast í føroyskum sjógvi, har eisini svartkjaftaskipini royna.