Varðin Pelagic bjóðar kreppuhjálp til starvsfólkið

Góðu starvsfelagar.

 Leiðslan á Varðanum Pelagic harmast saman við tykkum um støðuna á Tvøroyri, men vit eru samstundis sera takksom fyri, at øll komu út av virkinum í øllum góðum. Umráðandi er nú, at eldurin verður sløktur og at øll, sum arbeiða hjá Varðanum Pelagic, standa saman og eru umhugsin mótvegis hvørjum øðrum. 

Ongin kennir orsøkina til støðuna, og fyri at sleppa undan misskiljingum og gitinum, verður tí inniliga heitt á øll um at vanda sær um orðini - bæði alment og innahýsis millum starvsfólk. 

Tilbúgvingin hjá Varðanum Pelagic hevur sálarfrøðing á staðnum, sum er til reiðar at veita starvsfólki og øðrum kreppuhjálp. Vinarliga vendið tykkum til trygdarleiðaran Eyð Eidesggard viðv. kreppuhjálpini.