Vandi fyri at bátur fór á land

Klokkan 12:40 í gjár fekk løgreglan eina fráboðan um, at ein bátur hevði fingið motortrupuleikar í Kalsoyarfirði, og vandi var fyri at báturin fór á land.

Bragd sum var nærhendis, og Rescue Ziska blivu boðsendir at fara at hjálpa bátinum. Ziska gjørdi skjótt av, og longu 30 minuttir seinni hevði Ziska fingið ein enda millum bátarnar, og Ziska sleipaði síðani bátin til Klaksvíkar.