Umboð fyri 32 sendistovur til Føroya

Umboð fyri 32 ymiskar sendistovur í Keypmannahavn koma til Føroya í morgin.

Løgmaður er vertur fyri vitjanini.

Millum sendistovurnar, ið hava umboð við til Føroya, eru USA, Kina, Kanada, Pakistan, Korea, Vjetnam og Ísrael.

Skráin í Føroyum er umfatandi.

Á vitjanini skulu umboð fyri sendistovurnar millum annað vitja Løgtingið, Vinnuhúsið, Bakkafrost, Listasavnið, Klaksvíkar kommunu, Ferðaráðið og Ríkisumboðið.

Umboðini fyri sendistovurnar fara av landinum aftur mikudagin, tað skrivar www.tinganes.fo.