Tyrlan gjørt ein sjúkraflutning í dag

Klokkan 16:57 í dag fekk MRCC støðin í Havn eina fráboðan um, at neyðugt var at fáa flutt ein persón úr Húsavík í Sandoynni og á Landssjúkrahúsið. 

Boð blivu send eftir bjargingartyrluni hjá Atlantic Airways, sum lendi í Húsavík klokkan 17:40, og tók persónin umborð á tyrluna. Tyrlan lendi við Landssjúkrahúsið klokkan 17:47.

Hetta var sjúkraflutningur nummar 22 hjá bjargingartyrluni í ár, sama tíðarskeið í fjør hevði tyrlan gjørt 45 sjúkraflutningar.