Tyrlan flutti ein mann av einum seksaringi á Landssjúkrahúsið

MRCC Tórshavn setti seg í samband við ein lækna. Læknin gav boð um, at maðurin mátti flytast á Landssjúkrahúsið sum skjótast. MRCC Tórshavn sendi síðan boð eftir bjargingartyrluni hjá Atlantic Airways, sum fór eftir manninum. Ein av manningini á bjargingartyrluni var heysaður niður á útróðrarbátin, og fekk so mannin umborð á tyrluna. ??tróðrarbáturin var staddur 10 fjórðingar vestur úr Sandoynni, upplýsir vakthavandi á MRCC-støðini fyri JN.fo í kvøld.

Tyrlan fekk flutt mannin á Landssjúkrahúsið. Frá tí at MRCC Tórshavn fekk boðini frá útróðrarbátinum, og til maðurin var á Landssjúkrahúsinum gingu 51. minuttir, so sigast kann, at tað hevur gingið skjótt fyri seg.