Jóanis Nielsen
Tað ljóðar næstan sum tikið úr søgubókini, at krígsguðurin Týr fer í veitslu hjá bróður sínum Tóri toruguðinum. Men her er talan um ein tann best umtókta rokkbólkin, ið verður við til at sparka ólavsøkuna í gongd nú leygarkvøldið 25. juli á Tórsfest.
Hetta verður ein væl samanspældur og sera rutineraður tungmálmsbólkur, ið fer at gera sítt fyri at fáa Gongugøtuna at kennast sum ein ferð í Valhøll.
Týr hevur seinastu nógvu árini ferðast kring heimin og spælt. M.a. hava konsertferðir í Russlandi, Norður- og Suðuramerika og kring Evropa verið á skrá. Nú verður so møguleiki at hoyra Týr live í gongugøtuni í Havn leygarkvøldið, tá Tórshavnar Ítróttarráð á øðrum sinni skipar fyri Tórsfest.
Onnur tónleikanøvn sum fara á pallin leygarkvøldið verða Pretty Maids, Basshunter, Byrta, Swangah, Frændur, Sakaris, Hjarnar, Sic, Goresquad, Synarchy, Signar & John og Páll Finnur Páll.
Atgongumerki til Tórsfest fáast í forsølu í Kunningarstovuni í Havn og á ebillett.fo fram til mikudagin 22. juli kl. 18. Um atgongumerki eru eftir, verða tey seld við dyrnar.
Vinarliga broyt tínar kennifíla - og privatlívsstillingar fyri at síggja hetta innihald