Tvey ferðsluóhapp í Norðstreymi

 Tvey ferðsluóhapp vóru í Norðstreymi um 8.30 tíðina í morgun.

Tað fyrra hendi í Hósvík, tá ein bussur hjá Bygdaleiðum rendi á ein lítlan lastbil hjá LV, bilførarin á lastbilinum varð fluttur á sjúkrahús við smáskaða.

Hitt óhappið hendi í rundkoyringini í Kollfjarðadali, har tveir bilar rendu saman, annar bilurin fór út av vegnum - har hendi eingin fólkaskaði.

Myndirnar eru tiknar í Kollfjarðadali.