Tummas T. var 10 tímar á sildafeltinum

 Tummas T. siglir inn við 1.100 tonsum av sild, sum teir skulu landa á Tvøroyri fríggjadagin - í løtuni landar Jupiter 1.100 tons av sild á Tvøroyri.

Vit tosaðu við skiparan Virgar Fagraklett í kvøld - Gott lag var á Virgari, hann segði, at teir komu á Fiskileið í myrkrinum í gjárkvøldið, teir gjørdu tvey tov og í lýsingini í morgun settu teir kós móti landi við 1.100 tonsum í lastini.

Veðrið hevur verið av tí fagrasta norðanfyri.

Tummas T. hevur kvotu til ein sildatúr afturat.