Tummas T. siglir inn við 1.000 tonsum av makreli

 Tummas T, sum nú hevur verið á makrelveiðu í ES-sjógvi, fór at sigla inn í gjárkvøldið við 1.000 tonsum av makreli, sum teir skulu landa til Varðin Pelagic á Tvøroyri, Tummas T. verður á Tvøroyri um 16-tíðina í dag.

JN.fo tosaði umborð fyri løtu síðan, teir siga, at tað er góður makrelur teir hava - uml. 340 gramm. Tað er eitt fríkst lot ímóti hjá teimum, vindferðil liggur um 20 m/sek.

Tummas T. hevur eisini gjørt ein sildatúr í Skakerakkinum, teir høvdu tá uml. 600 tons, sum varð landað í Danmark fyri eini viku síðan.