Tummas T. og Finnur Fríði koma inn - báðir fullfermdir

 Tummas T. og Finnur Fríði fóru í nátt at sigla inn, báðir fullfermdir av svartkjafti. Tummas T. skal landa fyrst, teir sleppa framat beinanvegin teir koma inn, Finnur Fríði landar so aftaná.

JN.fo tosaði umborð á Finn Fríða fyri løtu síðan, teir hava roynt heldur siðri hesa vikuna - á uml. 61,5N og 3,2V, teir søgdu, at tað var fitt av svartkjafti at síggja og at støddin var heldur betri, enn hon hevur verið undanfarnu túrar.

Í morgun eru 4 føroysk skip á feltinum, tey eru Jupiter, Norðborg, Christian í Grótinum og Tróndur í Gøtu - Høgaberg, sum hevur landað í Fuglafirði, er ávegis á svartkjaftafelti, harafturat er okkurt russiskt skip á feltinum.