Trygd 0,3 mió. kr. í avlopi í 2016

2016 gjørdist eitt heldur serligt ár fyri Trygd. Gongdin fram til desember var serstakliga góð við øktumvirksemi og hækkandi inntøkum, men orsakað av ódnarveðri, eldsbrunum og øðrum stórumskaðaendurgjøldum í jólamánaðinum kom brádlig vend tó í. Fleiri enn 1000 fráboðanir um skaðar kring altlandið vórðu viðgjørdar eftir ódnirnar Urd og Barbaru, og tá ið avtornaði, fóru góðar 30 mió. kr. í endurgjaldiaftur til viðskiftafólkini hjá Trygd. 

 ???Kjarnin í tryggingarvirksemi er at verja seg móti stórum skaðum. Tískil eru vit fegin um at hava veitt okkaraviðskiftafólkum endurgjald, nú herviligu ódnirnar høvdu við sær stórar skaðar á sethús og vinnubygningar ídesember. Í so máta er tað gleðiligt at staðfesta, at skipanin við trygging og tilhoyrandi endurtrygging, riggareftir vild. Hóast stormskaðar ongantíð eru hugaligir, fegnast vit um at hava fingið høvi til at hjálpa,??? sigurJanus Thomsen, stjóri í Trygd.

Kjarnuvirksemið hjá Trygd royndist væl í 2016, og felagið stóð seg væl í kappingini átryggingarmarknaðinum. Nógv nýggj viðskiftafólk teknaðu tryggingar hjá Trygd, og tískil hækkaðuinntøkurnar. Sum ein liður í miðvísa arbeiðinum at varðveita eitt dygdargott og kappingarførttryggingarvirksemi legði Trygd seg eisini í 2016 eftir at menna nýggjar tænastur og tryggingar, sumviðskiftafólkini spyrja eftir. Tað sæst harumframt aftur á talinum av biltryggingum hjá Trygd, at bilasølan íFøroyum setti met í 2016. 

???Teir óvanliga nógvu og stóru skaðarnir í desember órógvaðu eitt annars gott ár hjá Trygd. Hóast ársúrslitiðgjørdist verri enn væntað, fingu vit 0,3 mió. kr. í avlopi. Hetta eru vit fegin um, tí tað vísir, at grundleggjandiraksturin er góður,??? sigur Janus Thomsen.

Orsakað av óvanliga høgu útreiðslunum í sambandi við skaðarnar í desember gjørdist tryggingartekniskaúrslitið -0,7 mió. kr. Í tryggingarhøpi verður tryggingartekniska úrslitið brúkt til at vísa úrslitið uttaníløguavkast.

Leiðslan væntar, at umsetningurin verður øktur nakað í 2017, og at harða kappingin á marknaðinum óivaðfer at halda fram. Inntøkurnar verða væntandi nakað hægri í 2017, og nettoúrslitið fyri 2017 verður væntandiumleið 8 mió. kr. 

Ársroknskapurin 2016 í stuttum 

- Avlopið áðrenn skatt var 322.000 kr. samanborið við 7,9 mió. kr. í 2015

 - Ársúrslitið eftir skatt var 264.000 kr. samanborið við 6,5 mió. kr. í 2015 

- Tryggingartekniska úrslitið var -0,7 mió. kr. samanborið við 7,9 mió. kr. í 2015

 - Bruttoinntøkurnar frá tryggingargjøldum hækkaðu við 5,6 mió. kr. upp í 97,2 mió. kr. 

- Inntøkurnar frá tryggingargjøldum fyri egna rokning hækkaðu við 2,9 mió. kr. 

- Skaðaprosentparturin var 95,6% samanborið við 60,8% í 2015 

- Eginognin hjá Trygd var 67,9 mió. kr. tann 31.12.2016