Tróndur í Gøtu skal landa makrel á Tvøroyri

 Tróndur í Gøtu kemur á Tvøroyri um 10-tíðina í morgun við 1.500 tonsum av makreli, sum teir skulu landa til Varðin Pelagic. 

Tróndur hevur fiskað í ES-sjógvi, tætt vestur úr Hetlandi. Har er nógvur makrelur at fáa - Tróndur gjørdi 3 tov.

Fram er eisini ávegis til Føroyar við makrellast, teir skulu landa til Pelagos í Fuglafirði, Fram hevur 450 tons.