Tróndur í Gøtu siglir heim fullfermdur

 Tróndur í Gøtu siglir heim fullfermdur av svartkjafti, sum teir skulu landa til Havsbrún í Fuglafirði, teir verða á Fuglafirði á middegi leygardagin.

Vit á JN.fo tosaðu umborð fyri løtu síðan, teir hava roynt sunnalaga á - heilt suðuri á 51, sum er sunnanfyri suðurendan av Írlandi. Tróndur hevur silgt ímóti Føroyum í 1½ døgn og hava eitt døgn eftir at sigla. Veðrið er hampuligt, ættin er útsynningur.

Tað er sera góður svartkjaftur teir hava fingið, segði skiparin við okkum fyri løtu síðan.