Tróndur í Gøtu og Havsker landa svartkjaft til Havsbrún

 Tróndur í Gøtu kemur á Fuglafjørð tíðliga seinnapartin við 2.200 tons av svartkjafti, sum er fiskaður í føroyskum sjógvi - eystur ímóti markinum við Hetland.

Mikudagin kemur norska skipið Havsker á Fuglafjørð við 1.950 tonsum, sum teir hava fiskað vestur úr Írlandi.

Jupiter er júst liðugur at landa í Fuglafirði, so Tróndur eigur tørn næst, teir byrja at landa Trónda seint í kvøld, verður sagt av Havsbrún.