Tróndur í Gøtu kemur á Tvøroyri kl. 3 í nátt

 Tróndur í Gøtu kemur á Tvøroyri kl. 3 í nátt við 750 tonsum av makreli, sum er fiskaður í ES-sjógvi, tætt suður úr Hetlandi, støddin á makrelinum er góð.

Í løtuni landar Jupiter til Varðin Pelagic á Tvøroyri, teir verða liðnir á middegi í morgin og tá sleppir Tróndur í Gøtu framat.

Tróndur fór at sigla tíðliga í morgun, tað hevur verið gott veður á leiðini sunnanfyri.

Finnur Fríði kom á fiskileið suður úr Hetlandi í dag, teir fiska eisini makrel.

Norðborg og Fagraberg eru norðanfyri til sildafiskiskap, har er danska skipið Isafold og eini tvey íslendsk skip. Hini føroysku skipini eru inni og landa.