Tróndur í Gøtu kemur á Fuglafjørð í nátt

 Tróndur í Gøtu siglir inn av svartkjaftafeltinum sunnanfyri, teir hava 1.300 tons, sum teir skulu landa til Havsbrún í Fuglafirði.

Tróndur verður á Fuglafirði mitt í nátt, teir sleppa framat at landa beinanvegin teir koma inn.

Vit á JN.fo tosaðu umborð fyri løtu síðan, teir søgdu, at fiskiskapurin hevur verið smáligur teir seinastu dagarnar, Norðingur er eisini á leiðini sunnast í føroyskum sjógvi.

Næraberg og Fagraberg royna í altjóða sjógvi einar 200 fj. vestur úr Suður-Írlandi, har eru eisini fleiri russisk skip, Christian í Grótinum er ávegis hagar suður, tað ljóðar í kvøld, at skipini hava hampuligan fiskiskap, tey fiska svartkjaft.