2016-10-28 11:24 
Jóanis Nielsen
Jóanis Nielsen
Herfyri undirskrivaðu Samferðslumálaráðið og Tórshavnar kommuna avtalu um innkomuvegin til Havnar.
Og í kvøld samtykti Býráðið einmælt at taka undir við avtaluni og samstundis gera neyðugu fyrireikingarnar til at byggja út kommunala vegakervið í økinum.
- Málið hevur verið ávegis í eini 20 ár, og nógvar loysnir hava verið nevndar millum ár og dag. Hetta er ein góð loysn fyri allar partar, sigur Heðin Mortensen, borgarstjóri í Tórshavnar kommunu.
Eftir ætlan skal nýggi innkomuvegurin verða klárur at taka í nýtslu, tá ið Eysturoyartunnilin er liðugur, og fyrstu bilarnir fara at koyra ígjøgnum tunnilin.
Landið fyrireikar í løtuni arbeiðið at gera nýggja innkomuvegin, og farið verður undir sjálvt arbeiðið í 2017. Landið hevur sett av 27 milliónir krónur til arbeiðið við nýggja innkomuvegnum.
Vinarliga broyt tínar kennifíla - og privatlívsstillingar fyri at síggja hetta innihald