Torkil Veyhe vann súkklingina í gjár

Favoritturin vann. Tað gjørdist Torkil Veyhe, sum í gjár gjørdist FM vinnari í landavegsúkkling.

Kappast var á teininum millum Wenzel P/F og Gomlurætt. Opin bólkur skuldi koyra hendan teinin fýra ferðir og motionistar, kvinnur og unglingar tvær ferðir.

Tá tey stóru umførini vóru koyrd skuldu fýra smá umfør koyrast. Hesi vóru á økinum kring Tekniska Skúla. Startur og mál var við Bilasøluna hjá Wenzel!

Torkil vann sannførandi, og hann koyrdi teir umleið 80 km uppá 2 tímar 22 minuttir og 22 sekund. Næstur honum gjørdist Gunnar Dahl-Olsen. Triðjur á mál gjørdist Sigmund Olsson.

??rslit:

Opin bólkur, 80 km landavegsúkkling:

1. Torkil Veyha, 2.22.22

2. Gunnar Dahl-Olsen, 2.26.09

3. Sigmund Olsson, 2.34.35

Motionistar, 40 km landavegsúkkling:

1. Jan Hjaltalin 1.28.01

2. Rógvi Róin 1.29.06

3. Jógvan Johan Lorenzen 1.37.00

Kvinnur, 40 km landavegsúkkling:

1. Svanna Poulsen 1.48.45

Unglingar, 40 km landavegsúkkling:

1. Florian Braumswig 1.41.31

Súkklarar skulu aftur kappast í dag. Í dag verður kappast um FM heitið í einkultstarti. Koyrt verður í Vágunum, og byrjað verður kl. 18. Favorittur at vinna kappingina í dag er aftur Torkil Veyhe. Kappingin byrjar og endar við FK í Miðvági.

Í morgin, leygardagin 15. August verður kappast í býarsúkkling. Tá verður byrjað kl. 16, og aftur tá verður startur og mál við Bilasøluna hjá Wenzel.