Tjóðveldi og Sambandsflokkurin bresta saman á Reinsarínum

Jørðin skelvur og lunnar bresta týskvøldið, tá tjóðveldis- og sambandsvalevni bresta saman. Mótpolarnir í føroyskum politikki fara at seta orð á loysing/samband-spurningar.

Tað verður øðrvísi. Tað verður undirhaldandi. Tað verður hart og kontant.

Sambandsflokkurin og Tjóðveldi fara týskvøldið í hólmgongu á Reinsarínum, og fleiri valevni hjá flokkunum fara í hvøssum orðaskifti at viðgera ein tann mest týðandi spurningin í Føroyum. Skulu vit ganga nærri fullveldinum ella varðveita Ríkisfelagsskapin?

Høgni Hoydal og Kaj Leo Holm Johannesen kjakast, Tórbjørn Jacobsen og Helgi Abrahamsen, Kristina Háfoss og Bjørn Kalsø og Annita á Fríðriksmørk og Johan Dahl.

Síðani fáa onnur valevni til fólkatingsvalið hjá Tjóðveldi og Sambandsflokkinum høvið at taka orðið.

Tiltakið byrjar kl 20.00. ??ll áhugað eru vælkomin á Reinsaríið, eisini ber til at lurta beinleiðis á Rás2.