2017-01-02 18:03 
Thiago Borges Pinto er annar leikarin við superligu-royndum, sum skal spæla við 07 Vestur komandi tvey árini. Liðið byrjar at venja út í morgin, og í dag er Thiago so komin, sera spentur at sleppa í gongd.
28-ára gamli brasiliumaðurin flytir úr Íslandi, men hevur annars spælt í Esbjerg, FC Vestsjællandi og Trelleborg í Svøríki. Saman við unnustuni kemur hann at búgva í Sørvági.
Hópurin hjá 07 Vestur hevur nú vant í knappar tríggjar mánaðar, og í morgin verður so endiliga farið uttandura at venja. Fyrstu vikurnar verður vant í Sandavági, meðan ljósini kring vøllin í Sørvági verða skift.
Kelda: 07Vestur.fo
Vinarliga broyt tínar kennifíla - og privatlívsstillingar fyri at síggja hetta innihald