Tey flestu skipini eru farin út aftur

 Tey flestu skipini komu inn undan óveðrinum, sum var í gjár og fyrradagin. Um middagin í dag loystu tey flestu aftur og eru í kvøld á fiskifeltinum. 

Svartkjaftaskipini royna sunnanfyri, har eru góð 30 skip, fleiri russisk, íslendsk og norsk umframt tey føroysku. Gulllaksaskipini royna vestanfyri og partrolararnir eystan- og sunnanfyri. Garnaskipini eru norðan- og eystanfyri.

Nøkur línuskip liggja inni enn - tað er helst ti, at tað er sera harður streymur, hann batnar aftur fyrst í komandi viku.