Tey flestu skipini eru farin aftur í drift

 ??ll skipini lógu um jólahalguna og veðrið millum jóla og nýggjár loyvdi teimum heldur ikki at fara avstað, men nú eru tey flestu farin.

Svartkjaftaskipini royna sunnast í føroyskum sjógvi, Norðborg er enn ikki farin avstað, teir fara helst antin á silda- ella makrelveiðu. Norðingur og Fram eru í ES-sjógvi tætt við Hetland, teir royna helst eftir makreli, har eru eisini Vesturbúgvin og Eysturbúgvin.

Partrolararnir, sum royna eftir upsa, eru teir flestu sunnan- og eystanfyri.

Sjagaklettur, sum roynir eftir svartkalva, er eystur úr Fugloynni.

Línubátarnir eru bæði norðan- og vestanfyri - og 6 línubátar eru á veg yvir á Flemish Cap.

Garnaskipini eru sunnanfyri.

Nøkur russisk skip eru sunnanfyri á svartkjaftaveiðu.