Talv: Smálandakappingin á Guernsey byrjaði í dag

 Føroyska talvlandsliðið er í hesum døgum á Guernsey til kapping fyri smátjóðir. Kappingin byrjaði í dag og verður liðug flaggdagin, tað skulu telvast 9 umfør hesar dagarnar.

Føroyska landsliðið fór avstað fríggjadagin, teir hitaðu upp í Føroyahúsinum í Keypmannahavn fríggjakvøldið, har myndin omanfyri er tikin. Teir sum eru við eru: Høgni Egilstoft Nielsen, John Rødgaard, Martin Poulsen, Jóan Hendrik Andreasen og Finnbjørn Vang.

Fyrsta umfar varð telvað í dag, føroyingarnir telvaðu í dag ímóti Andorra, úrslitið gjørdist javnleikur 2-2, Høgni tapti á 1. borði, John telvaði javnt á 2. borði, Martin telvaði eisini javnt á 3. borði og Jóan Hendrik vann á 4. borði.

Sí øll úrslitini frá í dag niðanfyri.

Fylgjast kann við her: http://www.chess-results.com/tnr160712.aspx?lan=1&art=3&rd=1&wi=821

Board Pairings