Talv: Sandavágur FM-vinnari 3. árið á rað

 Sjálvt um næstseinasta umfar ikki er liðugt, so er greitt, at Sandavágs Talvfelag er Føroyameistari 3. árið á rað. Sandavágur hevur í dag vitjan av Havnini. Talvið ímillum Høgna E. Nielsen og Martin Poulsen er ikki liðugt, men har sær út til, at Høgni vinnur.

Støðan í løtuni er 2½-½ til Sandavág - Sandavágur er harvið komin uppá 30 stig og kunnu tí ikki takast, sjálvt um eitt umfar er eftir at telva.

Rógvi Egilstoft Nielsen var ikki við í dag, tí hann skuldi leika fótbólt við EB/Streymi, men tann dysturin varð avlýstur tí ov nógvur kavi var á vøllinum við Meirgáir. Tí telvaði Silas Eyðsteinsson á 4. borði hjá ST, Silas gjørdi skjótt av og vann ein rudduligan sigur á Rúna Tindskar. skjótt eftir tað samdust Carl Eli N. Samuelsen og Herluf Hansen um javnleik - nú manglaði bara ½ stig, so var FM-heitið í hús, men Torkil Nielsen avgjørdi fyri løtu síðan við at vinna á Heiðrikki T. Jacobsen og støðan 2½-½ - Høgni og Martin Poulsen eru ikki liðnir, men Høgni stóð betri.

Vit á JN.fo ynskja Sandavágs Talvfelag og røsku telvarunum hjartaliga tillukku.

kl. 19 uppd. Høgni E. Nielsen vann talvið ímóti Martin Poulsen, sostatt vann Sandavágur 3½ - ½ á Havnini.

Støðan undan seinasta umfari:

Talva eftir styrki í 1. deild.

Rk.	Lið	1a	1b	2a	2b	3a	3b	4a	4b	5a	5b	6a	6b	TB1	TB2	TB3
1	Sandavágur 1	*	*	1½	3½	3½		3½	3½	4	3½	4	4	31.0	16	0
2	Havnin 1	2½	½	*	*	2	2½	3½	1½	2½		4	4	23.0	13	0
3	Klaksvík 1	½		2	1½	*	*	2½	1	3	4	4		18.5	9	0
4	Rókur 1	½	½	½	2½	1½	3	*	*	2½		2		13.0	7	0
5	Klaksvík 2	0	½	1½		1	0	1½		*	*	½	3½	8.5	2	0
6	Toftir 1	0	0	0	0	0		2		3½	½	*	*	6.0	3	0