Tað var eitt flogfar úr Ukraine

Fyri einum góðum hálvum tíma síðani, fór eitt flogfar forbíð Føroyar, sum larmaði sera illa. Flogfarið sum fleyg norðanfyri oyggjarnar var ávegis til Íslands úr Malmø í Svøríki.

Flogfarið larmaði sera illa, og fólk runt allar Føroyar hava hoyrt tað. Flogfarið er av slagnum Antonov An-12BK, og er eitt fraktflogfar. Flogfør av tí slagnum blivu gjørd frá 1957 til 1973. 

Flogfarið var á 25000 fót tá ið tað fór forbíð Føroyar. Flogfarið hevur 4 propellir, og tað kann hava gjørt sítt til at tað larmaði so illa.

Tað er flogfelagið Cavok Air úr Ukraine sum eigur flogfarið.