Støðgur í útstykkingini í Vatnsoyrum

??tstykkingin, sum Vága kommuna ger í Vatnsoyrum, er støðga fyribils.
Orsøkin er, at Fornminnissavnið hevur fingið fráboðan um, at grivið var nær leivdum av barakkum frá seinna heimsbardaga. Umboð frá Fornminnissavninum hava verið á staðnum og staðfest, at leivdir eru av fýra barakkum frá seinna heimsbardaga, har útstykkingin verður gjørd.
Fornminnissavnið arbeiðir nú við at gera eina lendisskráseting í økinum, eins og uppmáting verður gjørd av sjónligum leivdum av barakkunum.
Tá hetta arbeiði er liðugt, um einar tvær vikur ella so, kann arbeiðið vónandi byrja aftur.