Stjørnan og Polarhav hava gjørt góðan túr

Stjørnan og Polarhav hava gjørt ein góðan gulllaksatúr. Teir komu á Klaksví um 2-tíðina í nátt fullfermdir av gulllaksi - góð 250 tons, sum teir landa á Kósini, teir byrjaðu at landa kl. 6 í morgun.

Tað er Tavan í Leirvík, sum keypir gulllaksin.

Stjørnan og Polarhav byrjaðu túrin vestur úr Mykinesi, har gjørdu teir tvey tov, men fluttu so á norðara kant av bankanum, har teir høvdu góðan fiskiskap.

Skipini fara nýggjan túr í kvøld.