Spennandi framsýning í Smiðjuni í Lítluvík

Hósdagin 15. september klokkan 16 til 20 verður fernisering við listafólkunum Bodil Arbjerg Lundby, ið sýnir fram steinlist, og Sólvá Gunnarsson Olsen, ið sýnir fram málningalist.

Tær eru báðar búsitandi í Danmark og hava verið við á ymiskum framsýningum har.

Bodil Arbjerg Lundby hevur eisini sýnt fram í Týsklandi, Grønlandi, Belgia og í Hollandi og hon hevur verið við á sensureraðum framsýningum. Hon er limur í Dansk Billedhugger Samfund.

Sólvá Gunnarsson Olsen er fødd og uppvaksin í Føroyum og hevur áður sýnt fram her. Hon hevur eisini sýnt fram í Italia, og hevur selt málningar til Íslands, Týsklands og Avstralia. Sólvá er fastur framsýnari á Galleri Krebsegården í Keypmannahavn, og á Galleri Tornby í Tværsted.

Framsýningin í Smiðjuni verður opin til og við mikudagin 21. september. Allar dagar frá klokkan 14 til 19.