Sonni Ragnar skal aftur spæla fyri FCM

AC Horsens hevði leiga Sonna Ragnar Nattestad fram til summar, men nú eru partarnir samdir um at Sonni Ragnar aftur skal leika við FC Midjylland.

Tað var í summar at FCM leigaðu Sonna Ragnar út til AC Horsens. Avtalan ljóðaði uppá at Sonni Ragnar skuldi verða í Horsens til summar, men FCM kundi taka hann aftur í januar, sum teir nú hava gjørt.

- Frá AC Horsens síðu, hava vit veri nøgdir við samanarbeiði vit hava havt við Sonna Ragnar í heyst. Sonni Ragnar spældi teir flestu dystirnar í verjuni, og av teimum var spæli heil UG, sigur Henrik Ravn til heimasíðuna hjá AC Horsens.

- Ein partur av avtaluni var tó at Sonni Ragnar kundi venda aftur til FCM longa nú í januar, sum hann eisini nú hevur gjørt. So vit ynskja Sonna Ragnar alla held víðari í hansari fótbólt-framtíð.

Tann 20-ára gamli Sonni Ragnar spældi 13 dystir og skoraði tvey mál fyri Horsens, tað skrivar bold.dk.