Soleiðis skrivaði Ingolf S. Olsen undan valinum

 Hesa greinina skrivaði Ingolf S. Olsen 29. august 2015 - nakrar dagar undan løgtingsvalinum, nú verður spennandi hvør maður er í honum?

Vágatunnilin:

Tað verður frítt at koyra

Avtalan um Vágatunnilin skal haldast, og tað merkir, at tá tunnilin er útgoldin og verður latin landinum, verður tað frítt at koyra ígjøgnum hann. Og sum eg havi skilt, skal tunnilin latast landinum í desember 2016, so eftir tað verður bummgjaldið strikað.

Røddir hava annars verið frammi um, at tey ferðandi framhaldandi skulu gjalda fyri at koyra ígjøgnum undirsjóvartunlarnir, eisini eftir at lánini eru afturgoldin.

Tað skal ikki henda, tí tað vildi verið eitt púra greitt avtalubrot.

Skulu broytingar einaferð henda, so viðlíkahaldið og íløgur í landsvegakervið heilt ella partvíst verða fíggjað við brúkaragjøldum, so skal ein nýskipan til á økinum, og hon skal umfata alt landsvegakervið sum tað er, og ikki bert undirsjóvartunlarnar.

Gjørdar avtalur um verandi tunlar skulu sjálvsagt haldast.

Ingolf S. Olsen
løgtingsvalevni hjá Tjóðveldi