Skúlanæmingar úr Estlandi vitja á Giljanesi

 Hesa vikuna vitjar ein skúlaflokkur úr Estlandi 8. flokk á Giljanesi. Vitjanin er partur av NordPluss-samarbeiði, millum 8. flokk á Giljanesi og næmingarnar úr Estlandi. Seinasta heyst vitjaði 8. flokkur á Giljanesi í Estlandi.

Tað er nógv á skrá hjá gestunum og vertunum hesa vikuna. Í gjár vóru gestirnir ein túr undir Vestmannabjørgunum, tey vóru til undirvísing á Giljanesi, tað hava tey eisini verið í dag. Í morgin verður leiðin løgd til Havnar.