Skipaferðslan um Fuglafjarðar havn økist alsamt

 Nógvu virkini, sum eru í Fuglafirði hava sína ávirkan á, at skipaferðslan alsamt økist í Fuglafirði.

Vit á JN.fo hava tosað við havnaskrivstovuna í Fuglafirði, har verður sagt, at fyrstu 5 mánaðirnar í ár vóru 425 skip á Fuglafirði, til sammetingar kann nevnast at íalt komu 780 skip á Fuglafjørð í 2016.

Samlaða tonsatalið, sum kom upp á land var 289.293 tons harav var olja 30.000 tons.