Sjúrðarberg siglir heim við 725 tonsum

 Klaksvíkstrolarin Sjúrðarberg fer í nátt at sigla heim við 725 tonsum í lastini.

Vit á www.JN.fo tosaðu umborð fyri løtu síðan, skiparin Rólvur í Norðnástovu segði, at teir seint í kvø'ld blivu á kontrollpunktinum og so settu teir kós móti Føroyum. Skiparin roknaði við, at teir verða á Klaksvík mánamorgunin.

Sjúrðarberg hevur hendan túrin roynt í norskum sjógvi, meginparturin av veiðuni er toskur, men teir hava eisini fiskað ein part av upsakvotuni. 

Sjúrðarberg fór úr Føroyum 15. februar.

Tað eru 19 mans við hendan túrin.