Símun skal venja U18 hjá B36

 Tíðindaskriv: Símun skal venja U18 hjá B36

B36 hevur gjørt avtalu við Símun Eliasen, sum skal venja U18-dreingir okkara

Fyrsta mánaðin ella so hevur Arnbjørn Danielsen staðið við ábyrgdini fyri bæði 1. deild hjá monnum og U18-liðnum hjá okkum.

Nú er tó greitt, at Arnbjørn ikki skal standa einsamallur við ábyrgdini. B36 hevur nevnliga gjørt avtalu við Símun Eliasen, sum nú hevur ábyrgdina av mansunglingunum.

Símun er 40 ára gamal, og hann hevur sín fótbóltsuppvøkstur í Fuglafirði. Í fleiri ár var hann partur av besta mansliðnum hjá grannunum fyri norðan, og hann hevur virkað sum venjari hjá bæði HB og ÍF. Símun Eliasen hevur A venjara prógv.

U18 venja mánadag 17.30, mikudag 19.00 og hósdag 17.30 og allir áhugaðir eru vælkomnir.