SÍF - Team Klaksvík leiktu javnleik 26-26

 Í 2. deild hjá monnum varð ein hondbóltsdystur leiktur í kvøld í Høllini á Giljanesi, dysturin var millum SÍF og Team Klaksvík.

Dysturin var sera javnur og spennandi - spenningurin helt sær allan dystin, úrslitið gjørdist 26-26 eftir eftir at støðan í hálvleikinum eisini var javnleikur 10-10.

Tað var annars SÍF, sum legði betri út, tá ið 6 minuttir vóru leiktir var støðan 4-0, men Team Klaksvík kom uppá javnleik 5-5 í 19. minutti. Eftir tað fylgdust liðini allan dystin og skiftust at liggja omaná.

Munurin á liðunum var, at Team Klaksvík hevði royndar leikarar, ímeðan liðið hjá SÍF var sera ungt.

SÍF: Hans Otto Samuelsen, Tóri Nielsen 4, Janus E. Nielsen, Jóannis á Steig 5, Jákup Olaf Jóannesarson 4, Hørður Johansen 7, Uni F. Nielsen, Bjarni Dalsgaard 4, Jóanis Albert Nielsen 1 og Rói Ehlers.

Team Klaksvík: Bent Hansen, Andras Samson, Jens Pauli Mohr 12, ??li Jacobsen 1, Kjartan Jacobsen 1, Einar Dam 1, Allan Joensen, Beinur Johannesen 2, Otto Jacobsen 5 og Vilhelm Vilhelmsen 4.

Støður:

5. min. 3-0

10. min. 4-1

15. min. 4-2

20. min. 6-6

25. min. 9-8

30. min. 10-10

35. min. 12-12

40. min. 14-15

45. min. 16-17

50. min. 20-21

55. min. 24-24

30. min. 26-26.

Dómarar: Heini Hanusarson og Álvur Samuelsen.