Seinkað summar

 Havstovan skrivar:

Sum kunnugt var summarið í Føroyum rættuliga kalt í ár. Sambært heimasíðuni hjá DMI vóru mánaðirnir mai, juni og juli kaldari enn vanligt, og ávirkaði hetta eisini hitan í sjónum á Landgrunninum. Tað vísa hitamátingar, sum verða gjørdar við Oyrargjógv.

Myndin niðanfyri vísir hitan við Oyrargjógv síðani 2006, samanborið við mánaðarliga miðalhitan við Mykines, mátaður frá 1914 til 1969. Á myndini sæst, at mánaðirnir juni, juli og august vóru kaldari enn miðalhitin fyri hesar mánaðir mátað við Mykines. Seinast hetta hendi var í mars 2002. Myndin vísir eisini, at tað var heitari út á veturin í fjør, tá hitamet var sett fyrstu dagarnar í desember.

Áhugavert er, at eisini gróðurin á Landgrunninum kom seint í gongd í ár.