Sáttmáli undirskrivaður til nýggja Sjóvinnustýrið

Samkoma var á Fiskastykkinum í Sandavági í morgun, har stjórin á Landsverki, Sigurd L. Lamhauge og stjórin á Búsetur, Sjúrður Holm undirskrivaðu sáttmálan til nýggja Sjóvinnustýrið.

Heildararbeiðstøkusáttmálin er á knappar 23,8 mió.

Sigurd L. Lamhauge bjóðaði vælkomin, síðani bar Helgi Abrahamsen, landsstýrismaður í uttanríkis- og vinnumálum, fram røðu.

Ragnar Zachariasen frá ZETA arkitektum hevði eina framløgu um nýggja Sjóvinnustýrið, sum skal staðsetast á Giljanesi.

Prosjekteringin er farin í gongd, og skal hon verða liðug í desember 2021. Byggingin skal verða liðug í mai 2023.