Sands kommuna søkir eftir trivnaðar- og ferðavinnumennara

Undir Sands kommunu er nýtt starv sum trivnaðar- og ferðavinnumennari leyst at søkja.

Starvið er ¾ starv, við møguleika fyri fulltíðarstarvi.

Starvið verður staðsett í umsitingarbygninginum hjá Sands kommunu.

Arbeiðsuppgávurnar verða m.a:

• Gera og samskipa trivnaðartiltøk í kommununi.
• Virka ferðavinnuni í kommununi at frama.
• Passa heimasíðuna hjá kommununi.
• Virka sum millumlið millum borgarar og stovnar.
• Til reiðar at átaka sær aðrar fyrifallandi kommunalar uppgávur.

Førleikakrøv:

• Góð samstarvsevni
• Íverksetanarhugburð
• Gott hugflog
• Álítandi
• Ágrýtin
• Nærløgd/lagdur
• Greið/ur í øllum samskifti og duga at vísa virðing.

Fyrimun hevur tann, sum hevur viðkomandi útbúgving og/ella royndir innan økið.

Starvið verður lønt eftir sáttmála millum Starvsmannafelagið og Kommunala Arbeiðsgevarafelagið.

Meiri fæst at vita um starvið við at venda sær til borgarstjóran, á 211930.

Umsóknir skulu stílast til Sands kommunu, Mørkin Mikla 3, og freistin at søkja starvið er fríggjadagin 1. apríl 2016.