Samgongan hevur útsett fiskivinnunýskipanina í eitt ár

31. desembur eiga fiskiloyvini at ganga út, men í ólavsøkurøðuni hjá løgmanni Aksel V. Johannesen kemur fram, at gildissetanin fyri fiskivinnunýskipanina verður útsett til 1. januar 2019.

Løgmaður segði eisini, at landsstýri fer at leggja nýtt uppskot fyri tingið í august, og tað fer at hava nakrar broytingar við sær í mun til uppskotið ið fall burtur tá ið løgtingið var sent í summarferiu.