Reykjavik Open: 6. umfar ??? Aftur 5½ stig í dag

 Í dagsins umfari fingu føroyingarnir 5,5 stig. Janus Skaale, Margar M. Berg,  Luitjen A. Apol og Leif R. Fjallheim vunnu síni talv, meðan Helgi D. Ziska, Heiðrikur T. Jacobsen og Suni í Horni Nielsen telvaðu síni talv javnt. Størsta (hálva) skalpin má Suni nokk eiga, tá hann telvaði javnt móti telvara, ið er styrkismettur 557 ratingstig hægri. ??rslitini hjá Luitjen, Janusi og Heiðriki vóru eisini góð, tí mótstøðumenninir vóru eisini væl hægri styrkismettir.

Helgi Dam Ziska (2553) megnaði ikki at vinna á týskaranum Jakob Pfreundt (2392). Týskarin kom betri frá byrjanuni, og hevði fyrimun inn í miðspælið. Tá fekk Helgi javna støðuna út, og tá sama støða endurtók seg tríggjar ferðir í trekk, endaði talvið remis. Um Helgi hevði vunnið talvið, hevði hann ligið á einum deildum 1. plássi, saman við 14 øðrum telvarum. Tó økist stigamunurin til toppin ikki, tí ongin av teimum telvarunum, ið lógu fremstir við hálvum stigið meira enn Helgi, vunnu síni talv. Helgi liggur nú á einum 38. plássi við 4,5 stigum, saman við 25 øðrum telvarum. Í morgin møtir Helgi fyri fyrstu ferð í kappingini einum stórmeistara, indiska GM Kidambi Sundararajan (2422), ið sostatt er hansara sterkasti mótstøðumaður inntil víðari.

Janus Skaale (1765) vann á íslendska Dawid Kolka (1931), meðan Heiðrikur T. Jacobsen (1951) telvaði javnt móti Jon Kristinsson (2166). Janus og Heiðrikur hava næstflest stig av føroyingunum, 3 stig.

23 talv verða víst beinleiðis hvønn dag, og í morgin telvar Helgi á 13. borðið, og sostatt sæst talvið beinleiðis.

Samlaða støðan sæst niðanfyri.

Telvarayvirlit fyri Føroyar

??rslit frá 6. umfari

Paringar fyri 7. umfar

Myndirnar hevur Eyð Matras tikið.