Ran er farin á kongafiskaveiðu í Irmingahavið

 Frystitrolarin Ran loysti í dag, teir fara á kongafiskaveiðu í Irmingahavinum. Tað hevur ljóðað frá hampuligum fiskiskapi har vesturi.

Ran hevur kvotu at fiska 300 tons av lidnari vøru t.v.s. at tá er kongafiskurin skráskorin.

Tað eru 24 mans við Ran hendan túrin, skipari er Esbern Poulsen.

Ran hevur ligið á Oyri síðan teir komu heim, har er høvuðsmotorurin klassaður.

Vit hava frætt, at Enniberg eisini skal í Irmingahavið, teir verða helst klárir hósdagin.