Polarhav og Stjørnan landa gulllaks í Kollafirði

 Stjørnan og Polarhav, sum hendan túrin hava roynt vestanfyri, eru í morgun farnir at sigla inn fullfermdir -  teir hava smá 300 tons av gulllaksi.

Stjørnan og Polarhav plaga at landa til Tavuna, men Tavan klárar ikki at taka ímóti meira í dag, tí Vesturbúgvin og Eysturbúgvin landaðu góð 300 tons í gjár til Tavuna. Stjørnan og Polarhav fara tí á Kollafjørð at landa. Í Kollafirði landa Vestmenningur og Skoraberg í morgun, teir eru eisini fullfermdir.

Stjørnan og Polarhav koma á Kollafjørð seinnapartin.