Polarhav og Stjørnan koma á Klaksvík seinnapartin

 Polarhav og Stjørnan koma á Klaksvík seinnapartin, teir hava verið á Havyard skipasmiðjuni í Leirvik í Vestur-Norra í dokk síðan fyrst í november.

JN.fo tosaði umborð á Stjørnuna fyrr í morgun, teir siga at skipini eru sum nýggj, alt hevur fingið eina hond, høvuðsmotorarnir og ljósmotorar eru høvuðsumvældir, skipini eru sandblást og málaði uttan - skipini hava skift lit og hava nú JFK-litin.

Eisini hava teir lagt fasta barlast - uml. 70 tons - í botnin, og sett slengrikjølar á - tað hevur broytt skipini nógv, tað merktu teir væl nú á heimferðini úr Norra.

Teir fara nú at rigga til, at fara avstað aftur - ??tlanin er at fara nýggjan túr beint eftir jól.