Partrolararnir landa til Pelagos í Fuglafirði

 Partrolararnir Fram/Sjagaklettur og Eysturbúgvin/Vesturbúgvin, sum hava fiskað makrel í ES-sjógvi tætt suður úr føroyska markinum sigla allir til Føroyar, teir skulu landa til Pelagos í Fuglafirði - Fram/Sjagaklettur hava 540 tons og Vesturbúgvin/Eysturbúgvin hava smá 300 tons, teir verða allir á Fuglafirði í kvøld.

Vit á JN.fo hava tosað umborð á Fram við skiparan Mikkjal Hammer, Mikkjal segði at hendan túrin hevði veðrið roynst væl, hann segði, at makrelurin flutti seg skjótt í ein útsynning og tá ið teir ikki hava loyvið at fiska makrel sunnanfyri St. Kilda, so var umráðandi at gera skjótt av, segði ein altíð vælupplagdur Mikkjal Hammer.