Ongar finalur í badminton á Gotlandi

Badmintonhøllin í Visby er við at tømast - og vit standa eftir við, at vit skulu spæla um bronsu í einmansleiki hjá kvinnum og monnum og í blandaðum tvímansleiki.

Allir sjey leikarir, sum vóru í dysti í dag, stríddust fyri einum sigri og gjørdu sítt allarbesta á degnum, men mótstøðan var ov sterk.

Tað positiva, sum vit kunnu taka við okkum frá hesum degnum er, at Bartal Poulsen í fjórðingsfinaluni vann á Paul Le Touq frá Guernsey, og at Rannvá Djurhuus Carlsson ikki var langt frá at vinna á Sara Lindskov Jacobsen frá Grønlandi, og at dysturin í blandaðum tvímansleiki var sera tættur.