Oddabrak í Kollafirði mikukvøldið

 Mikukvøldið kl. 19 hittast oddaliðini í Atlantic Airways-deildini í Kollafirði. Sum er liggja KÍF og VÍF best fyri at koma í finaluna í AA-kappingini, men tey hava hóttan frá StÍf og Kyndli, tí koma bæði liðini at gera alt fyri at fáa bæði stigini burtur úr dystinum í morgin.

Støðan í løtuni er, at KÍF hevur 25 stig fyri 17 dystir og VÍF hevur 24 stig fyri 18 dystir.

Einki er at ivast í, at tað verður ein tættur og spennandi dystur - við fullari høll av viðhaldsfólki úr bæði Kollafirði og Vestmanna.