2014-12-23 16:40 
Jóanis Albert Nielsen
Jóanis Albert Nielsen
NÝGGJÁRSAFTAN: Tey, sum ætla sær at brenna bál ella seta brennandi blikk upp nærhendis landsvegi nýggjársaftan, skulu minnast til at fráboða lokala sløkkiliðnum í góðari tíð.
Treytirnar ísv. bál og brennandi blikk fram við landsvegi eru annars hesar:
- Fyrst og fremst má veðrið verða til vildar, og bálbrenningin gjørd við skynsemi. Til dømis má ættin ikki hava við sær, at neistar og annað koma inn á vegin
- Bál skulu vera í minsta lagi 25 metrar frá landsvegnum
- Blikk skulu vera so langt vekk frá koyribreytini sum til ber og í minsta lagi 1 metur frá kantinum á koyribreytini og ikki ov nær bilverjuni heldur
- Blikkini skulu vera sett trygt, so tey ikki koppa. Harafturat má tryggjast, at brennievni ikki rennur úr blikkunum
- Vegøkið skal verða ruddað skjótast gjørligt dagin eftir
- Ábyrgdarpersónur við navni og telefonnummari skal verða uppskrivaður hjá lokala sløkkiliðnum
- Umframt hetta skulu øll onnur loyvi vera í lagi. Til dømis fráboðanir til myndugleikar og onnur viðkomandi
- Virksemi í samband við bálið má ikki tarna ferðsluni á landsvegnum ella vera til ampa fyri parkeraði akfør
Hesar treytir eru settar fyri at ferðslan og ferðslutrygdin á landsvegunum ikki hevur ampa av nýggjárshaldinum.
Tað eru lokalu sløkkiliðini, ið geva loyvi
Vinarliga broyt tínar kennifíla - og privatlívsstillingar fyri at síggja hetta innihald