Norðingur siglir inn við 1.900 tonsum av svartkjafti

 Norðingur fór í kvøld at sigla inn av svartkjaftafeltinum sunnanfyri, teir hava 1.900 tons inni.

Norðingur fer á Klaksvík, har teir verða seint í nátt, har koma teir at liggja til týsdagin, tá sleppa teir framat at landa hjá Havsbrún, Í løtuni landar Tróndur í Gøtu til Havsbrún.

Nógv skip eru sunnanfyri, fiskiskapurin er góður og støddin á svartkjaftinum er eisini góð - liggur millum 150 og 160 gramm.

Fagraberg, sum hevur landað 3.000 tons í Måløy loysti aftur í kvøld.